Startseite Aktuelles 2012 November 2012 Mai 2012 April 2012 Februar 2012 Januar 2012 Paulina 2011 Dezember Archiv Gedichte Galerie Dokumentationen Projekte Für Sie Über mich Gästebuch Kontakt Wegbeschreibung Impressum  

2012 April

18 wird da Bua

(email an Mama und Papa)Liebe Mama, lieber Papa,heit af d’Nacht drinkma zur Feier einen Grappa!Weil ejtz bin i endlich aa 18 Johr woan,konn scho wej da Vettl mit eiam Auto foan.Rasiern mouame ejtz aa scho alle vierza Dog,weil mei Freindin ja koan Boatadn mog.Zeit wird’s, dasse in a eigane Wohnung zuigund mit meine eigana Flügeln fluig.Ejtz woas i aa, warum da Pappa so oft d’Sau auslout.Weila Angst hod, dass eam de Zeit davo dout.I merks aa scho, ejtz, wou i älter woan bin,de schejnsten Johr, san amend glei dahin.Grußeia Sohnemann

Lieber Sohnemann, du host ja so recht!Deinem Papa gejts ja wirklich so sauschlecht.Mehrmols in der Wocha plagtna sein schlimmes Leiden.Owa du moußtna um de vier Reisch aa ned beneiden.Der Oame konn aa essen und dringa wosa mog,sei Orwat schmeckt eam an koan oanzigen Dog.Aa dahoam konnstnan fia nixe braucha,außa zum Luftverpesten, mit seim scheiß Raucha.Und wejst segst, heast vo eam ständig nur Gejamma.Ausbaden mouß owa i, sei Frau, dei Mama.Also iwalegda, wos du doust und wos du wüllst,bevor du aa zu derer Gattung „Waschlappen“ zählst.GrußMama

(email von Mama)

(email von Papa)Servus Bursche, ja do host Recht.Heit af d’Nacht feiern, des waarad ned schlecht.Owa nimm veid an guadn Grappa, wennst scho oan kaufstund woat bise hoamkimm, ned dassdna scho voaher zammasaufst.Unsa Auto, des konnst du dir glei aus’m Kopf schlogn,weil bis i schau, host du de Stoußstanga vabogn.So, du bist also der Hundlen, der wou imma mein Rasier nimmt,und i mi mit dem stumpfen Drum dann schneid, dassma s‘Blut owarinnt.Es wird aa hejchste Zeit, dass du af deine eigana Fejß stejst,ejtz, wou du scho allebind mit ana andan Hex gejst.Und schließle wolln mia aa no a poa schejne Johr vor uns hamm,scho lang gnua saufst und frißt uns dahoam alles zamm.Also woat ja mit dem Grappa,bis späta, Papa



Hokus-Dokus

Dokumentationen in Wort und Bild & Gedichte

Klaus Vogl

Veranstaltungsdokumentationen & Gedichte







Um alle Inhalte sehen zu können, benötigen Sie den aktuellen Adobe Flash Player.